တစ်ခါက အမဲလိုက်မုဆိုးတစ်ယောက်မှာငှက်ဖမ်းတတ်တေခွီးချေတစ်ကောင်ရှိပါရေ။ယင်းခွီးထူးခြား ချက်က ရီထက်မှာလမ်းလျှောက်တတ်စွာဘာ။တစ်ရက်နိန့်ခါမုဆိုးကသူ့မှာအဖိုးဖြတ်မရရေခွီးချေတစ်ကောင်ရှိ ရေဆို စွာကို ပြချင်လို့ သူငယ်ချင်းတစ်ယောက်ကို အမဲ လိုက်ဖို့ ဖိတ်ခေါ်လိုက်ပါရေ။ အမဲလိုက် ယင်း ရီထဲက ရီဘဲ တိကို သေနတ် နန့် လိုက်ပစ်ကတ်ပါရေ။ ပစ်လို့ ကျရေ ဘဲတိကို ခွီးချေက ရီထက်က ဗြီးဗ နာဇီ လိုက် ကောက်ပါရေ။မုဆိုးက သူငယ်ချင်း ချီးမွမ်း ပြောစကားကို နားစွင့် နိန်ကေလည်း လုံးဝ မကြားရပါ။ နောက် ဆုံးမနိန်နိုင်လို့ ” အဝေ သူငယ်ချင်း။ ငါ့ခွီးမှာ ဇာထူး ခြားချက် ရှိလေ ၊ မင်းသ တိ ထား မိလာ။” လို့လှမ်းမိန်း လိုက်ပါရေ။ ယင်းခါ သူငယ်ချင်းက ” အေး ဝေး သူငယ်ချင်း။ မင်းခွီး ရီမကူး တတ်စွာကို ငါသတိထား မိပါရေ” လို့ပြန်ပြောလိုက်ပါရေ။
ဘ၀သင်ခန်းစာ ။ ။ကျွန်တော်ရို့ နိန့်တိုင်း တွီ့နိန်ရရေ လူထဲက ၉၀ ရာခိုင်နှုန်းကျော်စွာ မုဆိုး သူငယ် ချင်းပိုင် အပြုသဘောထက် အပျက်သဘောကိုရာ မြင်တတ်ကတ်ပါရေ။ ယင်းလူတိရေ လက်ကောက်မုန့် တချက်လုံးကို မကြည့်ဘဲ အလယ်က အပေါက်ကိုရာ ကြည့်တတ်တေ သဘော ရှိကတ်ပါရေ။ ယင်းလူတိ ဘားက ချီးမွန်းစကား၊ အားပီးစကား ကြားရဖို့ မမျှောင်လင့်ပါကေ့။ ယင်းလူတိ က အခက်အခဲ ရင်ဆိုင်နိန် ရရေ အချိန်မှာ ကိုယ့်ကို ဆွဲကူထုတ်ပီးလိမ့်မယ်လို့လည်း မထင်ပါကေ့။ ယင်းပိုင် လူတိနန့် အချိန်ကို အများ ကြီး မဖြုန်းတီးကတ်ပါကေ့။ ယင်းပိုင်ဗျာလ် ကိုယ့်အနာဂါတ် အိပ်မက် တိကိုလည်း ယင်းလူတိကို မပြောပြမိဖို့ သတိထားကတ်ပါ သူငယ်ချင်းရို့…။
KWkhaing
No comments:
Post a Comment